本熊再投記

由於股票市場的入場門檻和story to tell 的造夢特性，它成為了大眾散戶最關心的金融市場，也是參與度最高的市場。可金融市場除了股市，還有債券市場 (又分國債、公司債)、滙市、貨幣市場等組成部份，其規模更是股市的倍數計。若大眾只聚焦股市而忽略其他市場，便會落得只見樹不見林的境況，更會被大戶一兩個假身fake 到迷失方向。 之所以本熊舊年寫了三篇：金融市場的異常指標，目標就是提升大家的關注度，希望那怕有一個看倌會繼續關注研究，本熊也自覺完成了功德。 回說美聯儲剛剛發佈了最新議息決議，作為貨幣市場的心臟，世界的中央銀行，其一舉一動當然舉足輕重，對金融市場的各部份都會有深遠的影響。 觀乎新聞報道，首先說美聯儲維持利率目標不變 (利率區間0-0.25%)；其次係買債規模不變 (每月800億國債加400億MBS 共1200億；跟著利率點陣圖顯示加息預期稍為推前。而本熊認為最重要的魔鬼細節，就以技術操作一言以蔽之。 「具體來看，將聯邦利率目標範圍的上限：超額準備金(IOER) 從0.1%上調0.15%；將聯邦利率目標範圍的下限：隔夜逆回購利率 (ONRRP) 從0%上調至0.05%，兩大利率調整自6月17日開始生效。」 美聯儲利率生成機制，其工具之一的 IOER、ONRRP本熊就不在本文展開了，有興趣補完煩請google 啦。本熊大概講原因和結果。 美聯儲出手提升短期利率，最大原因係貨幣市場非常之不健康，各指標利率如短期國債孳息率向零邁進，大量閑資停留在金融機構無處可投(逃)。若情況持續，靠食息差的貨幣市場基金會被迫加槓桿去追逐越益狹小的利潤空間，槓桿一兩倍唔夠、就十倍百倍咁推，反正是OPM，至推到爆破便洗牌重來。 而股票市場呢，從資金流向顯示目前的價格水平也許不是投入的目標，反而是資金來源之一。 金融機構閑資太多，也正在説明美聯儲繼續QE 政策的實際意義其實不大，只有象徵意義而已。所以美聯儲這艘鐡達尼開始轉舵了，首先出手引導利率向目標上沿推進。 第一步主要是試探性質，出手是僅有的0.05%，是一般利率改動幅度0.25%的五份之一，可見美聯儲的小心翼翼。 説是試探性質，咁又試咗啲甚麼結果來呢？就是0.1%的隔夜逆回購利率對於金融機構而言確實吸引，導致餘款一夜爆增兩千多億至歷史新高： 續爆天量！Fed 隔夜附買回操作規模來到7471億美元 七千五億係美聯儲目前QE 的六個月

唔知係咪本熊年紀越大，漸漸變成咗個忿怒中年，見到一啲事情會無名火起 (啲句後加：還有火即係唔化，唔化也是青少年特徵之一，也許實情係本熊正在逆齡生長) 事情係本熊剛剛睇咗一篇「分析」文章足足三次，要睇三次嘅原因係本熊想確認自己究竟睇咗啲乜嘢，最後結論成為咗今天文首標題。 文章內容大意係政府出咗個經濟數據，監管機構個解讀係咁樣；市場反應暫時係咁樣；市場人士A覺得咁樣；但市場人士B又有相反意見。個個都好似有啲道理，最重要監管機構會唔會錯呢？佢錯咗好大獲㗎喎！最後大家都係繼續觀察，繼續密切留意啦，多謝大家，多謝稿費。 作為讀者除了得到密切留意啲個結論，究竟從文章得到甚麼呢？究竟文章係一直引述，又做咗啲乜嘢分析呢？本熊一直思考着。 作為讀者本熊想「分析」文章有： 1. 主提 凡文章有主提，主提通常由定義開始。例如... 只是例如... 講美國通脹數據：居民消費價格指數CPI，有分普通CPI 同核心CPI，後者剔除了食品和能源對於價格嘅影響。咁點解要分開睇呢？對於反映民眾生活成本邊個重要啲呢？美聯儲嘅政策以邊個為導向呢？只有確立嘅定義，才可能有正確嘅推論。 2. 內容 是次CPI 上升了幾多幾多巴仙，咁即係反映咗啲乜呢？同在社會生活的你我他，感受可以完全不同。要理解CPI 反映咗啲乜，一定要從其組成部分著手。就普通CPI 而言，佔絕對大頭係住房 (42.1%)，跟著係交通 (16.9%)，其次係食品 (15.4%)，還有醫療、教育、娛樂等等。咁今期CPI 上升邊個分部貢獻最大呢？黎緊邊個分部有上升苗頭呢？ 就CPI 係短期還是長期現象，從不同分部可否看出端倪？其中租金舊年有豁免政策喎，今年還有嗎？二手車貴咗好多喎，demand 大咗喎，因為一手車無貨？supply 又細咗喎，因為車主無錢換車繼續用舊車？又出外餐飲貴咗喎，目前係一日三餐，黎緊會否一日七餐？這些因素可以統稱為supply shock 嗎？又pandemics 導致supply shock 還是demand shock 呢？黎緊完了嗎如無意外？ 3. 比較 就CPI 而言可以有甚麼參照對象呢？政府公報嘅CPI 係統計出來的，統計出來即是已發生的事情啦；咁預期通脹率 (expected inflation rate) 又點得來呢？其中一個重要涵數：抗通膨債券TIPS 利率係市場用錢投番黎喎，又近似的短中長期國債利率又點